Kryetarja e Kuvendit të Kosovës, Albulena Haxhiu, të mërkurën ka pritur në takim të Ngarkuarën me Punë të Ambasadës Amerikane në Kosovë, Anu Prattipati.
Sipas njoftimit zyrtar, gjatë takimit u diskutua për zhvillimet e fundit në vend, si dhe për punën dhe angazhimet e Kuvendit të Kosovës.
Haxhiu ka theksuar se bashkëpunimi ndërmjet Ambasadës së Shteteve të Bashkuara të Amerikës dhe Kuvendit të Kosovës është i një rëndësie të veçantë, duke shprehur gatishmërinë për ta thelluar dhe fuqizuar edhe më tej këtë bashkëpunim në të ardhmen.
“Kryetarja e Kuvendit të Republikës së Kosovës, Albulena Haxhiu, priti sot në takim të Ngarkuarën me Punë të Ambasadës Amerikane në Kosovë, Anu Prattipati.
Në takim u diskutua për zhvillimet e fundit në vend dhe punën e Kuvendit. Kryetarja Haxhiu tha se bashkëpunimi mes Ambasadës së ShBA-së dhe Kuvendit të Kosovës është i rëndësishëm dhe potencoi synimin për ta fuqizuar edhe më tej në të ardhmen”, thuhet në njoftimin e Kuvendit të Kosovës./teve1.info/
