Sipas tij, vendimi i Kurtit për t’i qortuar qytetarët serb, është tallje.
“Zbutja dhe tërheqje e papërgjegjshme e Albin Kurtit nga vendimi për targat, sjellje fëmijërore, antikushtetuese e antiligjore në përmbajtje. Strukturat paralele e kriminale që shumë herë i kanë gjuajtur me plumba policët shqiptarë të Kosovës”, ka shkruar Haxhiu në Facebook.
Tutje, Haxhiu ka thënë se Qeveria nuk ka qenë në gjendje ta ruaj autoritetin shtetëror vendimmarrës, duke përfshirë këtu edhe raportet me partnerët ndërkombëtar.
“Me këtë zbutje, tërheqje nga mos zbatimi i vendimit të Qeverisë për targat, Albin Kurti po inkurajon grupet kriminale në veri për t’iu rezistuar autoriteteve të shtetit të Kosovës”, thuhet tutje në postimin e Haxhiut.
Teksa, ka shtuar se në këto dy vite, Qeveria Kurti ka bërë zero investime në veri, zero investime në kthim të shqiptarëve, zero në përmirësim të sigurisë dhe zero përmirësim të mirëqenies për qytetarët e Ibrit, raporton teve1.info.
Dje Qeveria e Kosovës në mbledhjen ka marrë vendim të ri lidhur me konvertimin e targave ilegale, të lëshuara nga Serbia, në ato RKS.
Kryeministri Albin Kurti, ka propozuar shtyrjen e zbatimit të vendimit për targat.
