Nënkryetarja e Kuvendit nga radhët e Lëvizjes Vetëvendosje, Albulena Haxhiu ka thënë se vendi nuk ka nevojë të shkojë në dy palë zgjedhje për një kohë të shkurtë.
Ajo për këtë ka thënë se duhet të votohet mandatari për kryeministër, Glauk Konjufca, siç ka thënë Haxhiu, për të mirën e vendit.
“Nuk kemi pse shkojmë në dy palë zgjedhje për një kohë të shkurt dhe të shkojë në zgjedhje nëse nuk dakordohemi për emrin e presidentit apo presidentes së ardhshme. Dhe sot për hir të Kosovës, për hir të qytetarëve le ta votojmë mandatarin, personin e dytë më të votuar z. Glauk Konjufca për të cilin kanë thënë se është figurë unifikuese. Pra le t’i thërrasin mendjes, të reflektojnë”, tha Haxhiu para nisjes së seancës për votimin e qeverisë.
