Ministrja e Drejtësisë, Albulena Haxhiu sot ka nënshkruar kontratën për renovimin e objektit të Institutit të Mjekësisë Ligjore në vlerë prej 814,229.72 euro.
Haxhiu ka thënë se ky investim po bëhet për herë të parë dhe do të mundësojë transformimin e plotë të hapësirës së brendshme, duke përfshirë renovimin e laboratorëve, sallave të autopsisë, kulmit dhe zyrave të punës.
“Përmes këtij projekti, po ndërtojmë një institut që jo vetëm që përmbush standardet më të larta teknike dhe funksionale, por edhe rrit sigurinë dhe efikasitetin e shërbimeve për qytetarët”, ka shkruar Haxhiu në Facebook./teve1.info/
