Deputeti i PDK-së, Bekim Haxhiu ka reaguar pas publikimit të koeficientit nga Qeveria e Kosovës.
Sipas Haxhiut, me këtë vendim do të ketë ulje të pagave për shumë sektorë.
Madje ai në Facebook tha se 105 euro vlera e koeficientit është nënçmim, fyrje dhe zhgënjim për nëpunësit publikë.
“Rritje të çmimeve te produkteve ushqimore, Rritje të çmimit të energjisë, Rritje të çmimit të derivateve, Rritje të çmimit të tatimit në pronë, Rritje e inflacionit, Ulje të pagave… Kjo është qeveria e shpresës dhe ndryshimit! Krejt dhe drejt shkatërrimit të çdo sektori, çdo shprese e motivimi”, tha ai.
Sipas Haxhiut, me këto vendime Qeveria po punon që të ikin sa ma shumë qytetarë nga Kosova.
Teksa tha se ky vendim bashkë me Ligjin për Pagat është i pa pranueshëm dhe duhet të dergohet në Gjykatën Kushtetuese.
“Kjo është qeveria e shpresës dhe ndryshimit!Krejt dhe drejt shkatërrimit të çdo sektori, çdo shprese e motivimi.Me këto vendime arbitrare Qeveria po punon që të ikin sa ma shumë qytetarë nga Kosova. Ky vendim bashkë me Ligjin për Pagat është i pa pranueshëm dhe duhet të dergohet në Gjykatën Kushtetuese”, tha ai.
Ndryshe vlera e koeficientit të pagave të zyrtarëve publik do të jetë 105 euro. Kështu ka bërë të ditur kryeministri Kurti para mbledhjes së Qeverisë./teve1.info./
