Për këtë ministrja e Drejtësisë, Albulena Haxhiu ka thënë se është hera e parë që Kosova që nga paslufta të ketë Institutin për dokumentimin e krimeve të luftës kundër njerëzimit.
“Për herë të parë që nga paslufta, Republika e Kosovës do të ketë Institut që do të merret me hulumtimin dhe dokumentimin e krimeve të luftës, krimet kundër njerëzimit dhe gjenocidit”, ka shkruar ajo.
Ndryshe sot kryeministri i Kosovës, Albin Kurti, ka thënë se dokumentimi dhe hulumtimi i krimeve të kryera gjatë luftës në Kosovë, janë thelb i projektligjit i cili e hapi mbledhjen e parë të sesionit vjeshtor të Qeverisë.
Sipas Kurtit, krimet e kryera dhe dëmet e shkaktuara duhet të adresuar sepse ato janë parakusht për paqe të qëndrueshme, stabilitet afatgjatë dhe zhvillim të mëtutjeshëm të shoqërisë./teve1.info./
