Besnik Hasi prej edicionit të ardhshëm do të jetë në krye të skuadrës tjetër nga Belgjika, Gent.
Mediumet belge kanë njoftuar të premten se marrëveshja është arritur në parim mes palëve dhe Hasi pritet së shpejti të zyrtarizohet në krye të Gentit.
Aktualisht, Hasi është trajner i Mechelenit dhe me këtë ekip po lufton për një biletë në garat e UEFA-s. Ai mori drejtimin e Mechelenit në nëntor të vitit të shkuar dhe ka kontratë deri në fund të edicionit.
Nën drejtimin e Hasit, Mecheleni ka treguar paraqitje të mira dhe skuadrat tjera nga Belgjika shfaqën interesim për trajnerin shqiptar.
Në krye të Gentit, Hasi do ta zëvendësoj Hein Vanhaezebrouckun kurse ishte në negociata edhe me Club Bruggen e Antwerpin.
Hasi 52-vjeçar në Belgjikë e ka udhëhequr edhe skuadrën e Anderlechtit, ndërsa ka punuar edhe në Poloni, Greqi e Arabinë Saudite.
