Kreu i AAK-së, Ramush Haradinaj ka përkujtuar dëshmorët e Brigadës 137 “Gjakova”, të rënë në luftë me forcat serbe.
Haradinaj ka shkruar se beteja urbane e Brigadës 137 “Gjakova” është unike në historinë çlirimtare të Kosovës.
Po ashtu Haradinaj ka thënë se në hakmarrje, forcat serbe vranë civilë në Gjakovë e në Pejë.
“Armiku për hakmarrje ndaj humbjeve në frontin e luftës, nuk kurseu civilët e pafajshëm te Ura e Taliqit. 13 shqiptarë të pafajshëm po të njëjtën ditë u ekzekutuan edhe në Ozdrim të Pejës, fshat që u mobilizua që nga fillet e luftës për liri”, ka shkruar Haradinaj.
Ai po ashtu ka përkujtuar heroin Bahri Fazliu.
“Po ashtu, në muajt e përvjetorëve të heronjve dhe të dëshmorëve, sot kujtojmë njërin prej figurave të rendësishme të luftës për lirinë e Kosovës, Bahri Fazliun. Vendosmëria dhe trimëria, si dhe sakrifica e skajshme e Bahri Fazliut, më parë edhe e Fahri Fazliut dhe Afrim Zhitisë, i ngritë ata në piedestalin e dëshmorëve të Kosovës”, ka shkruar Haradinaj.
