Kryetari i Ardhmërisë së Kosovës, Ramush Haradinaj, e ka cilësuar shprehje të dhimbjes dhe pakënaqësisë për kursin dhe rrugën e gabuar që ka përzgjedhur Kosova, deklaratën e së mërkurës të Hovenier i cili tha “mos urinoni nga klubi ku doni të hyni”.
Haradinaj, përmes një postimi në Facebook, duke komentuar deklaratën e ambsadorit amerikan, ka thënë se kambanat janë duke rënë për të gjithë ata që kanë vesh, pasi sipas tij Kosova është keq dhe ka trend të përkeqësimit.
“Shprehja e tij “mos urinoni nga klubi ku doni të hyni” është shprehje shumë e pazakontë e tij. Kjo shprehje e pazakontë është shprehje e dhimbjes dhe pakënaqësisë për kursin dhe rrugën e gabuar që ka përzgjedhur Kosova. Njerëzve që e duan Kosovën si Hovenier kjo ju dhemb. Kosova është keq dhe ka trend të përkeqësimit. Këmbanat po bien për të gjithë ata që kanë vesh”, ka shkruar ai.
Hovenier të mërkurën mori pjesë në Samitin e Kosovës për Paqe e Demokraci (KPDS) të titullar “Realitete radikale: dinamika etno-politike dhe integrimi euro-atlantik i Ballkanit Perëndimor”.
“Gjyshi im ka thënë, dhe ju lutem më falni për karakterin e shëmtuar paksa, se nëse dëshiron të bëhesh pjesë e një klubi, atëherë mos urino te dera e klubit. Poenta ime është që ne duam ta mbështesim Kosovën në këtë qasje, në integrimin e saj evropian dhe evropian. Ne kemi bërë shumë, presidentë, sekretarë shteti, ambasadorë, të tjerë për ta çuar përpara”, tha ai gjatë fjalimit të tij./teve1.info/
