Kryetari i AAK-së, Ramush Haradinaj, ka reaguar për arrestimin e drejtorit të KEK-ut, i cili dyshohet për keqpërdorim të detyrës zyrtare.
Haradinaj, ka thënë se kjo çfarë po ndodhë në KEK, është dëshmia më e mirë, që sipas tij lidhjen e shkurtra janë korrupsioni më i keq.
“Kjo çfarë po ndodhë në KEK, është dëshmia më e mirë se lidhjet e shkurtëra janë korrupsioni më i keq!”, ka shkruar ai në një postim në Facebook.
Policia e Kosovës sot ka kryer bastisje në zyrat e KEK-ut me urdhër të Prokurorisë, me ç’rast është arrestuar drejtori i KEK-ut Nagip Krasniqi dhe është dërguar në mbajtje për 48 orë.
Ndërsa, Prokuroria ka bërë të ditur se bastisje përveç në zyrën e Krasniqit janë kryere dhe në banesën e tij, ku edhe janë konfiskuar disa gjëra si prova materiale. /teve1.info/
