Kryetari i Aleancës për Ardhmërinë e Kosovës, Ramush Haradianj ka uruar mësimdhënësit me rastin e 7 marsit, Ditën e Mësuesit.
Ai përmes një postimi në Facebook, ka thënë se hapja e shkollës së parë shqipe në Korçë në vitit 1887, është një ngjarja që ka bërë kthesë të madhe në ruajtjen e vlerës dhe gjuhës.
“Mësonjëtorja e Korçës – shkolla e parë kombëtare e gjuhës shqipe në viset shqiptare e hapur më 7 mars 1887, është njëra prej ngjarjeve që e ka bërë kthesën e madhe në realitetin tonë, në vazhdimësinë tonë si shqiptar, si dhe në ruajtjen e gjuhës e vlerave tona. Gjatë historisë së popullit tonë, ishin mësimdhënësit ata që brumosën breza të tërë për ngritjen e ndërgjegjës kombëtare. Janë pikërisht mësimdhënësit tanë që edhe në kohë të errëta të robërisë nuk reshtën së punuari në përhapjen e diturisë, duke u bërë udhërrëfyes për shumë gjenerata në përpjekjet tona për liri e pavarësi”, ka shkruar Haradinaj.
Ai ka thënë se si shoqëri duhet të rrisin kujdesin dhe rolin ndaj mësimdhënësve.
“Si shoqëri, duhet ta rrisim edhe më tej ndërgjegjësimin për rolin jetik që mësimdhënësit japin çdo ditë për arsimimin dhe zhvillimin e gjeneratave. Mirënjohje e respekt për gjithë mësimdhënësit për punën e tyre!Urime 7 Marsi!”, ka shkruar Haradinaj./teve1.info/
