Kryetari i Aleancës për Ardhmërinë e Kosovës, Ramush Haradinaj, ka kujtuar të rënët e 6 korrikut të vitit 1998 në Loxhë.
Derisa ka përmendur emrat e dëshmorëve të UÇK-së, Haradinaj ka shkruar se të gjithë ranë në rrugën e tyre për të sjellë armët e lirisë, përcjell teve1.info.
“Para 25 viteve, Loxha heroike u përball me armikun, duke shënuar një kapitull të lavdishëm të luftës sonë për liri. Sot, kujtojmë trimat e UÇK-së dhe ata që u përjetësuan: Tahir Shala, Rrustem Bruqi, Enver Alaj, Lumni Surdulli e Xhavit Qufaj. Po ashtu, kujtojmë luftëtarët nga fshati Rudicë, Nimon Bajraktari, Haki Ahmetxhekaj e Bashkim Mehmetaj, që ranë në rrugën e tyre për të sjellë armët e lirisë. Në të njëjtën ditë ra dhe bashkëluftëtari Arsen Mazrekaj”, thuhet në postimin e Haradinaj në Facebook.
“Lavdi e përjetshme të rënëve për liri!”, ka përfunduar ai.
