Me dorë në zemër një e nga një po vinë për krye shëndoshë.
Madje po ulen përballë familjarëve duke i ngushëlluar.
Kështu po shkonte dita e parë e të pamës në familjen Thaçi që po mbahej në palestrën e sportit në Skenderaj.
E ata që po i presin në këmbë janë vëllezërit e ish presidentit, Hashim Thaçi së bashku me Sami Lushtaku.
“Mungesa është e madhe, së pari është mungesa për prindin, dhimbje e madhe është që nuk është Hashimi se ky prind i joni na ka shkollu e na i ka dhënë të gjitha e tash momentet e fundit pas luftës pas çlirimit, mos me mujt frymën e fundit me dhanë pa djalin”, u shpreh Gani Thaçi – vëllau i Hashim Thaçit.
Derisa për mungesën e krerëve institucional dhe familjen Jashari në varrimin e Haxhi Thaçi, djali i tij tha se nuk ka inate politike, por e pamja do të zgjasë tre ditë.
Por pak çaste më vonë nuk vonoi e erdhi kryeparlamentari Glauk Konjufca.
“Të gjithë e kemi njohur si një patriot të madh dhe një plak të urtë i cili e ka frymëzuar shumë thellë me patriotizëm edhe familjen e vet edhe këtë pjesë të Drenicës. Mbi të gjitha e ka frymëzuar me patriotizëm më të shëndoshë djalin e tij Hashim Thaçin i cili ishte president i Republikës së Kosovës por edhe njëri prej bartësve në shumë procese të rëndësishme në të cilat kemi kaluar”, u shpreh Konjufca.
Ndërsa ish këshilltari i Hashim Thaçit, Ismajl Syla ndau disa momente të babait të ish presidentit.
“Gjatë veprimtarisë së Hashim Thaci si ilegal coftë si student pastaj më vonë edhe gjatë kohës kur ka jetuar jashtë edhe pastaj është kthyer brenda shpeshherë Kadri Veseli dhe Hashim Thaçi janë kthyer në odën e Hashi Thaçi në kohën kur është dashur të flejnë me rroba veshur dhe këpucë mbathur, dmth ai e ka ditur që këta djem janë duke u marrë më gjëra të rrezikshme”, tha ai.
Në të pame po vinin vazhdimisht një numër i madh i njerëzve.
As në këtë ditë nuk munguan fytyrat politike të partive të ndryshme në Kosovë, ku një e nga një po shkruanin në librin e kujtimeve për Haxhi Thaçin.
Ani pse Hashim Thaçit nuk ju lejua që të vjen në ceremoninë e varrimit të babait të tij, familjarët presin që ai të vjen pas gjithë ceremonisë tre ditore.
Ndër të tjera, të martën, ambasada amerikane e SHBA-së, ka shprehur ngushëllime për vdekjen Haxhi Thaçi.
