Kryetari i Partisë Demokratike të Kosovës, Bedri Hamza, ka uruar besimtarët e krishterë për festën e Krishtlindjeve.
Hamza ka thënë se kjo festë është një moment kur të gjithë bashkohen në frymën e mirësisë, respektit dhe bashkëjetesës, vlera që karakterizojnë shoqërinë tonë.
Ai gjithashtu ka theksuar rëndësinë e vlerave më të mira njerëzore, si dashuria, solidariteti dhe kujdesi për njëri-tjetrin.
“Gëzuar Krishtlindjen të gjithë besimtarëve të krishterë! Edhe sonte bashkohemi në frymën e mirësisë, respektit dhe bashkëjetesës që na karakterizon si shoqëri. Bashkohemi në vlerat më të mira njerëzore: dashurinë, solidaritetin dhe kujdesin për njëri-tjetrin.Bashkë ecim përpara”, ka shkruar Hamza në Facebook./teve1.info/
