Këtë deklaratë ai e bëri në emisionin “Këndi i Debatit” në tëvë1duke komentuar sulmet që kanë ndodhur ditëve të fundit në veri.
Sipas Halitit në këtë pjesë të vendit do të rriten tensionet dhe do të ketë rreziqe të mëdha.
“Situata në veri nuk është e mirë dhe do të rriten tensionet… Situatën unë nuk e shoh të mirë, e shoh me rreziqe të mëdha”, tha ai.
Haliti thotë se ata që po i bëjnë këto gjera në veri nuk janë aventurier por njerëz të cilët janë të interesuar të bëjnë veprime të cilat e kompromitojnë serbët ose pushtetin serb.
“Ata janë më shumë të interesuar të provokojnë dhe policia jonë të veprojë dhe të godas dikë andej me qëllim që të ndërmarrin hapin tjetër që unë nuk do kisha guximin ta them sot për faktin që nuk do të dëshiroja një gjë të tillë”, theksoi ai.
Tutje Haliti thotë se këto veprime që po ndodhin në veri nuk janë për shkak të targave por për shkak të komandimit nga presidenti i Serbisë, Aleksandar Vuçiq.
“Nuk është në pyetje ky tension për shkak të tabelave por problemi është që Serbia ka të instaluara të gjithë mekanizmat e saj duke përfshirë shërbimet e zbulimit, qoftë të ushtrisë, shërbimet e zbulimit dhe kundërzbulimit dhe kanë një projekt, kanë një komandim të përhershëm në veri i cili është i komanduar dhe i urdhëruar drejtpërdrejtë nga presidenti Vuçiq”, shtoi ai./Teve1.info/
