Ai deklaron se në kohën e qeverisjeve të kaluara, veçanërisht në kohën e Hashim Thaçit kishte rritje të pensionit të veteranëve.
“Nuk po e marrim se edhe partitë tjera që kanë qenë në pushtet por të paktën me ta me Hashim Thaçin kur është bërë rritja e pagës është dhënë 170 euro, pa drejtë pune. Shiko çfarë diskriminimi i bëhet veteranit, nuk ke drejtë pune a deputeti punon ne 5-6 vende, ai që është doktor i ka disa ordinanca të veta”, tha ai.
Hajdari në emisionin “Ditari” në Tëvë 1 potencon se gjatë qeverive të kaluara së paku janë thirrur për diskutim – gjë që kjo aktuale, sipas tij nuk po e bën.
“Qeveria na kanë thirrë, jemi ulur ka mundësi s’ka mundësi, pa dashtë me i mbrojtë. Me këtë Qeveri përpos me premtimet që i kanë bërë e kemi pasur edhe nje takim atë e kanë që të jemi më afër të dakordohemi me ligj por s’na ka pritë. Ka qenë një takim por nuk ka qenë i frytshëm, nuk ka dhënë rezultat, është mbet që të thirret edhe njëherë”, shtoi Hajdari.
Po ashtu, anëtari i Kryesisë së OVL-UÇK ka folur edhe për trajtimin që veteranët marrin aktualisht.
“As s’ka nda mjete për këtë kategori, kemi për Banjë por kemi njeri me dy shtaga pa këmbë, duar ka nevojë për trajtim kemi veteranë që i ka humbur përpos gjymtyrëve nuk ka shëndetin e mirë. Domethënë ndryshe trajtohen fëmijët e këtyre që kanë pushtetin, ndryshe kategoritë e luftës. Jo nuk kemi bërë ndonjë gabim kemi çliruar vendin kemi bërë luftë nuk e meritojmë këto kategori të trajtohen në këtë formë”, shtoi Hajdari./teve1.info/
