Paneli Zgjedhore për Ankesa dhe Parashtresa ka aprovuar ankesën e Listës Serbe, ndaj vendimit të KQZ-së për moscerfikimin e rezultatit të kandidatëve të Listës Serbe.
Në vendimin e publikuar nga PZAP thuhet se qëndrimi i KQZ-së nuk është i drejtë dhe se nuk pajtohet me një vendim të tillë.
Për këtë, analisti Korab Blakaj ka deklaruar se Lista Serbe duhet të largohet nga sistemi politik i Kosovës, pasi që sipas tij, Kosova e shpallur Listën Serbe organizatë terroriste.
Blakaj ka thënë se të jesh organizatë terroriste dhe të jesh përfaqësues në parlamentin e Kosovës, sipas tij kjo ndodh vetëm në Kosovë, ngase siç tha ai këto gjëra nuk lejohen në asnjë shtet demokratik.
“Nuk ka kuptim të jesh pjesë e një organizate terroriste që Kosova e ka shpallur terroriste dhe në anën tjetër të jesh përfaqësues dhe të depërtosh në parlament, kjo i ndodh vetëm Kosovës dhe nuk ka asnjë shembull, as brenda BE-së e asnjë shembull të shtetit demokratik ku tolerohen gjëra të tilla. Kjo na ndodh neve për shkak të keqkuptimit të multienticitetit, për shkak të aktiviteteve terroriste ajo duhet të mbyllet dhe të iu jep mundësi serbëve të organizojnë parti të tjera, por ajo duhet të largohet nga sistemi politik i Kosovës”, ka deklaruar Blakaj në emisionin “Ditari” në Tëvë1./teve1.info/
