Ministrja e Industrisë, Ndërmarrësisë dhe Tregtisë, Rozeta Hajdari, të martën ka paralajmëruar konferencë për media.
Konferenca është paralajmëruar për në ora 14:00.
Hajdari të hënën ka njoftuar se edhe pesë bizneseve i është shfuqizuar certifikata e biznesit për shkak të emërtimeve antikushtetuese. Ajo ka thënë se këto biznese janë në mesin e 45 bizneseve që ata kanë evidentuar se kanë bërë shkelje të tilla.
Ndërsa, sa i përket rastit të Klan Kosovës, ministria që drejton Hajdari , të hënën ka thënë se vendimi i shkallës së parë të Komisionit ka qenë i drejtë.
Kjo ministri të hënën ka publikuar një dokument të cilin sipas tyre e kanë siguruar nga autoritetet në Maqedoninë Veriore, lidhur me pronësinë e mediumit e ku sipas dokumentit Kosova paraqitet si pjesë e Serbisë.
Këto janë mohuar nga Klan Kosova.
