Arsenali raportohet se ka marrë dritën jeshile për të përfunduar transferimin prej 64 milionë eurosh të Viktor Gyokeres nga Sportingu i Lisbonës, me sulmuesin suedez që pritet t’i nënshtrohet testeve mjekësore këtë fundjavë.
27-vjeçari është gati të veshë fanellën legjendare me numrin 14 të Thierry Henry në ‘Emirates Stadium’, pasi ka refuzuar oferta nga klube të tjera për t’u bashkuar me skuadrën e Mikel Artetës këtë verë.
Sipas ‘The Athletic’, Arsenal ka arritur një marrëveshje të plotë me Sportingun për Gyokeres, duke paguar fillimisht 54.8 milionë euro dhe 9.2 milionë euro të tjera në formë bonusesh.
Sulmuesi suedez tashmë ka marrë leje për të udhëtuar drejt Londrës për testet mjekësore të shtunën.
Gyokeres ka qenë një nga sulmuesit më të kërkuar në Evropë këtë verë, pas një sezoni të jashtëzakonshëm me 54 gola në 52 ndeshje për Sportingun, dhe u identifikua si objektivi kryesor i Arsenalit për qendrën e sulmit.
