Ish-deputeti i Kuvendit të Kosovës, Përparim Gruda, ka komentuar gjuhën dhe situatën e krijuar mes ish-deputetes Adriana Matoshi dhe anëtarit të PDK-së, Sami Lushtaku.
Sipas tij, ngjarja ishte e organizuar nga Lëvizja Vetëvendosje me qëllim që të provokohej dhe sulmohej Lushtaku.
Gruda u shpreh se LVV është e interesuar ta zhvendosë vëmendjen e qytetarëve nga problemet ekonomike drejt debateve politike dhe përplasjeve personale me përfaqësues të partive të tjera.
Ai fajësoi Matoshin për fillimin e përplasjes verbale, ndërsa theksoi se Lushtaku nuk ka qenë i interesuar ta vazhdojë konfliktin.
“Mendoj që ka pasur një organizim të VV-së për të ngacmuar dhe për të sulmuar Lushtakun me deputet caktum me një rast ose tjetër, sigurisht që është pritur që ai të përgjigjet dhe çdo njeri përgjigjet ndaj sulmeve, mendoj që përgjigjja është si me thënë në propocion me goditjet. Se çka është në interes të qytetarëve nuk është kush kujt çka i ka thënë, po cila është oferta për zgjedhjet e reja, cilat janë problemet ekonomike të qytetarëve të Kosovës dhe problemet e Kosovës, dhe për t’i fshehur këto probleme dhe këtë keqqeverisje gati 5-vjeçare, VV ka vendosur ta zhvendos debatin nga interesat e qytetarëve të Kosovës për tema konkrete në debatin me sulmua dikë atje që me prit reagimin e tij.
“Përgjigja e Lushtakut ka qenë një përgjigje ndaj një sulmi verbal që i është bërë, mendoj që ka qenë një sulm i provokuar verbalisht dhe mendoj që ajo që na takon neve së bashku me tentua me zhvendos debatin nga sulmet personale të njëri-tjetrit në çështje publike, Lushtaku se ka nisur këtë sulm dhe nuk është iniciator i saj, po kërkon me u ndërpre jo me u vazhdua. Nuk mendoj që partitë kanë nevojë me kontrollua gjuhën për secilin anëtar të partisë së vet, ne jemi në demokraci secili e zgjedh mënyrën e vet”, ka deklaruar Gruda në emisionin “Info Nata” në Tëvë1./teve1.info/
