Koordinatori i Departamentit për Drejtësi në kuadër të Kabinetit për Qeverisje të Mirë të Partisë Demokratike të Kosovës, Përparim Gruda, ka mohuar se ka kërcënuar ministren e Jashtme Donika Gërvalla dhe ambasadorin e Kosovës në Kroaci, Martin Berishaj.
Reagimi i tij vjen pas akuzave që i ka bërë zëvendësministri i Drejtësisë, Blerim Sallahu.
“Zv. Ministri i Drejtësisë gënjen publikisht, unë nuk e kam thënë këtë kurrë. E vërteta është se Martini kurrë s’ka jetu në Kosovë as Donika. Këta janë turistë të pushtetit. Pyetja është a ka me ikë edhe Albini në Norvegji pasi që ta shkatërron Kosovën siç e ka fillu?”, ka shkruar Gruda.
Ndërsa, Sallahu duke komentuar një deklaratë të zyrtarit të PDK-së për Gërvallën dhe Berishajn tha se ky është kërcënim i pastër./teve1.info/
