Sulmuesi i Atletico Madridit, Antoine Griezmann ka marrë një vendim të papritur duke i befasuar të gjithë, pasi është tërhequr nga Kombëtarja e Francës.
Të hënën, Griezmann ka njoftuar se nuk do të jetë pjesë e Francës dhe këtë vendim e ka marrë një javë para se selektori Didier Deschamps ta bëjë publike listën e lojtarëve të ftuar për muajin e ardhshëm.
Në postimin e tij, Griezmann ka shkruar se ndihet krenar që për një dekadë ka bartur fanellën e Francës, gjë që kanë qenë nder i madh dhe privilegj.
“Me zemrën e mbushur me plot kujtime, e mbylli këtë kapitull të jetës time”, a shkruar ndër të tjera Griezmann.
Ai ka thënë se po tërhiqet pasi ka ardhur koha ta liroj vendin për gjeneratën e re, ndërsa me fanellën e Francës ka fituar një titull kampioni të Botës.
33-vjeçari ishte pjesë e Francës prej muajit mars të vitit 2014, ku gjatë kësaj periudha ka regjistruar 137 paraqitje dhe ka realizuar 44 gola.
