Granit Mavriqi është zgjedhur anëtar i Bordit për Ankesa të Mediave në kuadër të KPM-së, me mandat 3 vjeçar, raporton teve1.info
Mavriqi ka marrë 51 vota, ndërsa në votim gjithsej kanë marrë pjesë 84 deputetë.
Në votim në Kuvendin e Kosovës si kundër-kandidati i tij ishte Martin Komani i cili siguroi 30 vota, ndërsa 3 vota të deputetëve ishin të pavlefshme.
Kuvendi i Kosovës në seancën e sotme po shqyrton pikat e papërfunduara nga seancat e kaluara, ndër të tjera po shqyrton pikën për zgjedhjen e një zëvendësi të Avokatit të Popullit nga radhët e komuniteteve joshumicë.
Emrat e propozuar janë Admir Rama, Ardian Maksuti, Esmir Kasi, Maria Daduloviq, Senad Ibishi dhe Serdian Sentiq.