Kampionia e Kosovës në futboll, Drita është gati për ndeshjen e radhës në fazën grupore të Ligës së Konferencës.
Në kuadër të xhiros së tretë të fazës së ligës, Drita do të luajë në Irlandë, ku do të jetë mysafire e skuadrës së Shelbournet.
Kjo ndeshje luhet të enjten prej orës 21:00, ndërsa katërshja e gjyqtarëve do të jetë nga Finlanda.
Oliver Reitala do të jetë gjyqtar kryesor, ku do të ndihmohet nga asistentët Jukka Honkanen e Ollo Jantunen, ndërsa Antti Munukka do të jetë i katërti.
Në VAR dhe AVAR, do të jenë gjyqtarë nga Gjermania, me Pascal Muller si kryesor dhe Katrin Rafalski si asistent i tij.
Pas dy ndeshjeve të luajtura në fazën e ligës, Drita ka tubuar dy pikë pasi ka barazuar me Kupsin në udhëtim dhe Omonian në shtëpi.
