Gjykata Speciale në Hagë e ka refuzuar kërkesën e mbrojtjes së ish-krerëve të Ushtrisë Çlirimtare të Kosovës për të ndryshuar renditjen e dëgjimit të dëshmitarëve, raporton teve1.info
Kërkesa e mbrojtjes së Hashim Thaçit, Jakup Krasniqit, Kadri Veselit e Rexhep Selimit ishte që të ndryshohet renditja e dëshmitarëve në mënyrë që dëshmitari numër 3 të dëgjohet më herët.
Një gjë e tillë u refuzua nga Gjykata.
Po ashtu Gjykata në fund të seancës i ka kërkuar Zyrës së Prokurorit që të tregojë afatin sa kohë i duhet për të dëgjuar krejt dëshmitë. Po ashtu ka kërkuar nga Mbrojtja që brenda ditës të përcaktojë periudhën kohores se sa kohë do të marrë marrja në pyetje e 12 dëshmitarëve të parë. Kërkesën e njëjtë gjyqtari e ka pasur edhe për Prokurorinë, por për t’u përgjigjur pas dëgjimit të dëshmitarit të parë.
Gjykimi i ish-krerëve të UÇK-së do të vazhdojë më 11 prill.
