Emisari i posaçëm i SHBA-së për Ballkanin Perëndimor, Gabriel Escobar do të takohet sonte me opozitën kosovare.
Në takim do të marrin pjesë, kreu i PDK-së, Memli Krasniqi si dhe ai i LDK-së, Lumir Abdixhiku.
Ndërsa, nga Aleanca për Ardhmërinë e Kosovës në takim do të merr pjesë nënkryetari i parë i kësaj partie, Ardian Gjini.
Këtë e ka konfirmuar për Teve1.info, zëdhënësi i AAK-së, Kushtrim Xhemaili.
“Po Aleancën në këtë takim do ta përfaqësoj nënkryetari i parë, Ardian Gjini”, tha Xhemaili.
Ndërkaq, bëhet e ditur se takimi do të zhvillohet në ora 18:00 në objektin e ambasadës amerikane në Prishtinë.
PDK e LDK kanë shprehur rezerva se i përket Planit Evropian duke thënë se si të tillë nuk mund ta mbështesin.
Ndërsa, AAK e ka mbështetur këtë plan dhe ka thënë se do ta votonte nëse vije në Kuvend pas nënshkrimit të marrëveshjes.
Escobar të premten pritet të zhvillojë takim edhe me kryeministrin Albin Kurti. /Teve1.info/
https://teve1.info/lajmet/escobar-sonte-takon-lideret-e-opozites/
