Kombëtarja e Shqipërisë edhe këtë muaj do të jetë pa kapitenin Berat Gjimshiti, i cili nuk do të grumbullohet me ekipin për shkak të lëndimit të pësuar ditë më parë.
Gjimshiti u dëmtua në fitoren e Atalanas 2:1 ndaj Udineses të dielën në kuadër të kampionatit italian dhe u detyrua të largohet nga fusha në minutën e 25-të.
Kontrollimet kanë konstatuar se Gjimshiti nuk ka lëndim të rëndë, por që nuk do të bashkohet me Shqipërinë për ndeshjet me Çekinë dhe Ukrainën, pasi rikuperimin do ta vazhdoj te skuadra italiane.
Kjo është hera e tretë që Gjimshiti lëndohet në prag të ndeshjeve të këtij sezoni të Ligës së Kombeve, pasi mbrojtësi mungoi edhe në duelet e shtatorit dhe tetorit.
Në mungesë të Gjimshitit, shiritin e kapitenit te Shqipëria pritet ta bartë Ardian Ismajli që këtë sezon po shkëlqen tek Empoli në Serie A.
Shqipëria këtë të shtunën dhe të martën e ardhshme, përballet me Çekinë dhe Ukrainën në stadiumin “Air Albania” në Tiranë.
