Kapiteni i Kombëtares së Shqipërisë, Berat Gjimshiti, është i gatshëm që t’i ndihmojë skuadrës së Atalantas në Ligën e Kampionëve.
Atalanta të mërkurën nga ora 21:00 e pret skuadrën nga La Liga, Athletic Bilbao në kuadër të xhiros së shtatë të fazës së ligës.
Gjimshiti i mungoi Atalantas të premten në barazimin 1:1 ndaj Pisas në kuadër të Serie A për shkak të lëndimit.
Mbrojtësi i qendrës më 10 janar u lëndua në fitoren 2:0 të Atalantas ndaj Torinos, ku Gjimshiti kishte një përplasje të ashpër me sulmuesin e Torinos, Duvan Zapata.
Gjimshiti është kthyer të dielën në stërvitje dhe ka ushtruar individualisht.
32-vjeçari Gjimshiti është lider i mbrojtës tek Atalanta.
