Makinat bujqësore zbritën në qytet të mërkurën.
Kjo meqë disa rrugë të Drenasit, mund të kaloheshin vetëm në këtë mënyrë.
Kjo bëri që disa vetura ta kenë këtë fat.
E në ndihmë atyre, u desh t’i dalin ekipet transportuese.
Por, sasia e madhe e ujit në rrugë, për dikë tjetër, nuk që fare problem.
Kjo ishte gjendja e krijuar të mërkurën në qytetin e Drenasit, një ditë pas vërshimeve.
“Qarkullimi ishte shumë i vështirë sepse uji i ka marruar rrugët e ka vërshime, por megjithatë sot është pak më qet. Dje i kam humbur edhe numrat e kerrit, më kanë mbetur diku në ujë aq që ka qenë sipërfaqja e ujit shumë e lartë”, thotë qytetari Arif Hasai.
Në mesditë, këtu u panë edhe mjetet e rënda.
Por, edhe kategoria e kundërt e tyre.
Qytetarët thonë se kjo pjese e qytetit vuan kur ka reshje të mëdha.
“Vazhdimisht kur ka reshje të mëdha, këtu grumbullohet uji më së shumti e mundon këtë pjesë edhe këtë të rrethi, tjerat pjesë janë më shumë rurale edhe rruga Drenas- Poklelk është e mundimshme. Komuna e ka menxhuar situatën mirë”, thotë qytetari Zenel Xheka.
Si pasojë e reshjeve të ditëve të fundit, me ndihmën e organeve të rendit, u evakuuan 20 familje.
“Gjatë ditës së djeshme së paku 20 familje kemi evakuuar së bashku me ndihmën e zjarrfikësve dhe qytetarëve të cilët na kanë dal në ndihmë me barkat e tyre. Ndërsa, sot deri në këto momente nuk kemi bërë ndonjë zhvendosje ose evakuim të tyre”, tha drejtori i Shërbimeve Publike dhe Emergjencave, Nexhmedin Gruda.
E në terren të mërkurën doli edhe i pari i Drenasit, Ramiz Lladrovci.
“Presidentja e Kosovës dje më ka ftuar ka qenë e gatshme me i dërguar FSK-në me na ndihmuar, por i kam kërkuar që të mos i dërgojë sepse ne me ato kapacitet mujshim me përballu situatën të cilën e kishim nën kontroll”, tha Lladrovci.
Ndryshe, nga Agjencia e Menaxhimit Emergjent, të mërkurën thonë se rreziku aktual vlerësohet i menaxhushëm.
Por sipas AME-së, ekziston mundësi për përkeqësim të situatës në rast të reshjeve të reja.
