Një person është gjetur pa shenja jete pasditen e sotme në rrugën “Fan Noli” në Prishtinë.
Zëdhënësi i Policisë për rajonin e Prishtinës, Enis Pllana, ka konfirmuar se rasti është raportuar rreth orës 16:00, ndërsa njësitë policore dhe ekipi mjekësor kanë dalë menjëherë në vendin e ngjarjes.
“Sot rreth orës 16:00 është pranuar informata për një person pa shenja jete në rrugën ‘Fan Noli’ në Prishtinë. Policia menjëherë ka dalë në vendin e ngjarjes, po ashtu edhe ekipi i mjekëve emergjent, të cilët kanë konstatuar vdekjen e viktimës, mashkull, 76 vjeç”, ka deklaruar Pllana për Tëvë1.
Sipas tij, po vijon puna hetimore për të sqaruar rrethanat që karakterizojnë këtë ngjarje.
Trupi i viktimës është dërguar për ekzaminim të mëtejshëm mjeko-ligjor. /teve1.info/
