Një 32-vjeçar është gjetur pa shenja jete këtë të shtunë në banesën e tij në rrugën “Rifat Krasniqi” në Prizren. Lajmin e ka konfirmuar për Tëvë1 zëdhënësi i Policisë së Kosovës për rajonin e Prizrenit, Shaqir Bytyqi.
“Sot, më 29.11.2025, rreth orës 13:30, policia ka pranuar informatën se një person është gjetur pa shenja jete në banesën e tij në rrugën ‘Rifat Krasniqi’ në Prizren. Në vendngjarje kanë dalë njësitet policore, ku nga familjari i viktimës është marrë informacioni se Xh. B. (32 vjeç) është gjetur i vdekur dhe pranë tij ndodhej një armë”, deklaroi Bytyqi.
Ai bëri të ditur se prokurori dhe hetuesit kompetentë kanë kryer këqyrjen e vendit të ngjarjes dhe kanë mbledhur provat e para.
“Sipas autorizimit të prokurorit, rasti është iniciuar si ‘Hetim i vdekjes’, ndërsa hetimet po vazhdojnë për të sqaruar rrethanat e ngjarjes”, shtoi zëdhënësi i policisë.
