Është gjetur i vdekur një person në fshatin Vërnicë të Vushtrrisë të martën.
Lajmin e ka konfirmuar Policia e Kosovës. Avni Zahiti zëdhënës për rajonin e Mitrovicës ka thënë për teve1.info se trupi i gjetur është i gjinisë mashkullore.
“Sot, rreth orës 11:00, Policia ka pranuar informatën për gjetjen e një trupi të pajetë në fshatin Vërnicë të Vushtrrisë. Trupi i pajetë deri me tani i paidentifikuar është i gjinisë mashkullore i moshës së shtyrë”, ka thënë Zahiti.
Ai ka thënë se rasti është duke u hetuar.
“Hetuesit policorë me autorizim të prokurorit kanë nisur hetimet për identifikimin dhe zbardhjen e rrethanave të rastit”, njoftoi ai.
Sipas tij, trupi i pajetë është dërguar në Institutin e Mjekësisë Ligjore për Obduksion./teve1.info/
