Një qytetar i moshës madhore është gjetur i vdekur në një veturë në Gjakovë, raporton teve1.info
Zëdhënësi i Policisë për Rajonin e Gjakovës, Sheremet Elezaj, tha për teve1 se rasti është raportuar në mesditë kur edhe është konstatuar vdekja e tij nga ekipi mjekësor derisa trupi i pajetë i viktimës është dërguar për obduksion në Institutin e Mjekësisë Ligjore.
“Rreth orës 11:40 në rrugën “Gasper Karaqi” në Gjakovë është raportuar se viktima mashkull i moshës madhore është gjetur pa shenja jetë në një veturë. Vdekjen e ka konstatuar ekipi mjekësor në vendin e ngjarjes. Ekipet e nevojshme policore po ashtu kanë dalë në vendin e ngjarjes si dhe është njoftuar Prokurori i Shtetit, me vendimin e të cilit është iniciuar rast “Hetim i vdekjes”. Trupi i pajetë i viktimës do të dërgohet në IML për obduksion”, ka deklaruar Elezaj.
