Policia e Kosovës ka njoftuar se gjatë gërmimeve të realizuara në fshatin Marinë të Skënderajt janë hasur mbetje eshtrorë, për të cilat dyshohet se i përkasin personave të zhdukur gjatë luftës së viteve 1998–1999.
Sipas njoftimit zyrtar, gërmimet janë kryer nga Njësiti për Hetimin e Personave të Zhdukur gjatë Luftës, në bashkëpunim me Institutin e Mjekësisë Ligjore (IML).
“Skënderaj, Mitrovicë 1998/99. Më 29.01.2026, rreth orës 10:00, nga njësiti për hetimin e personave të zhdukur gjatë luftës, në bashkëpunim me IML-në, janë bërë gërmime në fshatin Marinë, ku janë hasur mbetje të eshtrave që dyshohet se i përkasin njeriut. Mbetjet e eshtrave janë marrë nga njësia e IML-së për ekzaminim”, thuhet në raportin e Policisë së Kosovës.
Autoritetet kanë bërë të ditur se procedurat e mëtejme do të vazhdojnë, ndërsa identifikimi i mbetjeve do të bëhet pas ekzaminimeve përkatëse nga institucionet kompetente.
