Gjashtë persona kanë pësuar lëndime trupore në një aksident komunikacioni që ka ndodhur të dielën në rrugën rajonale Skenderaj- Klinë në fshatin Rakinicë.
Në këtë aksident janë përfshirë dy vetura.
Zëdhënësi i Policisë për rajonin e Mitrovicës, Avni Zahiti njoftoi për teve1.info se të lënduari janë dërguar për trajtim mjekësor.
“Sot, rreth orës 15:00,në rrugën rajonale Skenderaj- Klinë, në segmentin rrugor në fshatin Rakinicë, ka ndodhur një aksident trafiku me lëndime. Në aksident janë përfshirë dy automjete, ku si pasojë e aksidentit lëndime trupore kanë pësuar gjashtë persona. Të lënduarit janë dërguar për trajtim mjekësor, ndërsa njësitet përkatëse policore kanë dalë në vendin e ngjarjes dhe po hetojnë rrethanat e aksidentit”, ka thënë Zahiti./teve1.info/
