Policia e Kosovës në raportin e fundit 24-orësh ka njoftuar për një rast të lajmërimit apo kallëzimit të rremë në Gjakovë.
Në raport thuhet se më 13 maj një grua kishte raportuar se i janë vjedhur targat e veturës, ndërsa të shtunën (17 maj) pas hetimeve lidhur me rastin, si dhe gjatë intervistimit të dyshuarës, është konstatuar se targat i kanë konfiskuar policia e një shteti tjetër.
Në konsultim me prokurorin, e dyshuara pas intervistimit është liruar në procedurë të rregullt.
“E dyshuara f/k me datën e cekur kishte raportuar se i janë vjedhur targat e veturës, ndërsa me datë 17.05.2025 pas hetimeve lidhur me rastin, dhe gjatë intervistimit të dyshuarës, është konstatuar se targat i kanë konfiskuar policia e një shteti tjetër. Në konsultim me prokurorin, e dyshuara pas intervistimit është liruar në procedurë të rregullt”, thuhet në raportin e PK-së./teve1.info/
