Dy xhudistet e Kosovës, Distria Krasniqi dhe Nora Gjakova janë kualifikuar në çerekfinale të Grand Slamit që po mbahet në Paris.
Gjakova ka kaluar dy pengesat e para në kategorinë deri 57 kilogram. Në luftën e parë, Gjakova me Ippon triumfoi ndaj brazilianes Jessica Lima, ndërsa me Ippon e mposhti edhe bullgaren Ivelina Ilieva.
Ndërkohë, edhe Krasniqi ka fituar dy luftëra në kategorinë deri 52 kilogramë pasi në xhiron e parë ishte e lirë.
Në xhiron e dytë, Krasniqi triumfoi ndaj francezes Leonie Gonzales, ndërsa në xhiron e tretë ishte më e mirë se Seyun Jang nga Koreja e Jugut.
Luftën e parë e fitoi me Ippon pas vetëm nëntë sekondave, ndërsa të dytën me dy wazzari brenda 37 sekondave.
