“Lidhur me hyrjet e dhunshme në zyrat e punonjësve nuk ka pasur, është hapur një herë një zyrë e një zyrtari i cili ka shumë muaj që është në pushim pa pagesë. Pra, është vetëm një rast kur është hapur zyra e një zyrtari i cili nuk i ka dorëzuar çelësat e zyrës”, tha tutje ajo.
Më tej, ajo po ashtu njoftoi se sa ankesa kanë marrë deri më tani ndaj vendimeve që ka marrë ajo vet si ministre.
“Kemi shumë ankesa, ankesa ndaj vendimeve që i kam marrë si ministre. Të aprovuara i kemi 3 ankesa nga Këshilli i Pavarur i Mbikëqyrjes. Kemi refuzim të 13 ankesave, shpallje jokompetente të instancës në rastin e 5 ankesave, rishqyrtim kemi 12 ankesa, pezullim kemi 1 ankesë. Ndërsa, përfundimi i procesit administrativ 6 ankesa, të palejuara 2 dhe në proces kemi 6 ankesa tjera. Pra, pasqyra është shumë e qartë”, deklaroi Gërvalla.
Ajo theksoi se ajo në pozitën e ministres dhe të gjithë ata që janë pjesë e jetës publike, kanë përgjegjësi të madhe para qytetarëve të vendit.
Ndërkaq, sa i përket vendosjes së ligjshmërisë, Gërvalla tha se është bërë mjaft progres në shërbimin e jashtëm të Kosovës.
“Asnjë diplomat nuk është avancuar me prapavijë politike”, u shpreh ajo.
Derisa tha se në buxhetin e vitit të ardhshëm janë paraparë edhe hapja e misioneve të reja diplomatike./teve1.info/.
