Kandidati i LDK-së për deputet, Bejtush Gashi, në emisionin “Ditari” në Tëvë1 ka folur për ndikimin e performancës së institucioneve në këtë cikël zgjedhor, si dhe për pritshmëritë e partisë së tij për zgjedhjet e ardhshme.
Gashi ka vlerësuar se në këto zgjedhje po shihet një trend i uljes së votave për Vetëvendosjen.
“Në këto zgjedhje po shihet tashmë që VV-ja do të ketë një numër më pak të votave”, ka thënë ai.
Kandidat i LDK-së ka shprehur gjithashtu pritshmëri se kjo ulje mund të përkthehet në rritje të votave për ish-opozitën, duke shtuar se kjo lidhet me ofertën që partia e tij i ka ofruar qytetarëve dhe nevojën për një angazhim shtesë në bashkëpunim me partnerët ndërkombëtarë.
“Kjo pritshmëri lidhet edhe me ofertën që ne ofrojmë dhe në të njëjtën kohë, sidomos në vitet e para, do të nevojitet një angazhim shtesë që të rikthehet bashkëpunimi strategjik me Britaninë e Madhe dhe Shtetet e Bashkuara të Amerikës, për të mundur të dalim nga ky kolaps aktual në të cilin Kosova ndodhet”, ka thënë Gashi.
Ai ka kritikuar gjithashtu Vetëvendosjen për marrëdhëniet e saj me LDK-në gjatë mandatit të kaluar:
“Oferta e VV-së ndaj LDK-së nuk ka qenë shumë serioze”, ka deklaruar Gashi.
