Lëndimi i Mauro Icardit, i cili do të mungoj deri në fund të sezonit, ka alarmuar drejtuesit e skuadrës së Galatasarayt.
Klubi turk ka nisur menjëherë kërkimin për zëvendësimin e Icardit, të cilin thuhet se tashmë e ka gjetur dhe po synon ta transferoj në afatin kalimtar të janarit.
Mediumet në Turqi raportojnë se bëhet fjalë për futbollistin e Kombëtares së Kosovës, Vedat Muriqi, të cilin po e kërkon me ngulm trajneri Okan Buruk.
Buruk e njeh mirë Muriqin pasi ka punuar te Rizespori dhe beson se përvoja e sulmuesit të Mallorcas do ta ndihmoj shumë ekipin e tij.
Thuhet se Muriqi ka dhënë sinjale se është i gatshëm të rikthehet në Turqi dhe Galatasaray po përgatit ofertën për ta bindur Mallorcan në lirimin e tij.
Klubi spanjoll po kërkon të paktën 5 milionë euro për kartonin e Muriqit, pasi 30-vjeçari ka kontratë me Mallorcan deri në verën e vitit 2027.
Muriqi këtë sezon ka 2 gola dhe ka 1 asistim në 11 ndeshje të luajtura në kampionatin spanjoll.
