Fulhami ka befasuar Manchester Unitedin, në “Old Trafford”, në minutën e pestë të kohës shtesë, për ta fituar ndeshjen me shifrat 1:2.
Ish-lojtari i Arsenalit, Alex Iwobi shënoi golin e fitores për londinezët, që kthehen nga Manchesteri me pikë të plota, shumë të rëndësishme për ekipin e Armando Brojës.
Sulmuesi shqiptar nuk u paraqit asnjë minutë, por Iwobi dhe Calvin Bassey u përkujdesën për dy golat e Fulhamit, në këtë fitore të madhe në udhëtim.
“Djajtë e Kuq” ishin shumë afër të ndalnin një pikë në shtëpi, kur qendërmbrojtësi anglez Harry Maguire shënoj golin e barazimit në minutën e fundit të ndeshjes.
Me këtë fitore Fulhami ngjitet në vendin e 12-të me 32 pikë, derisa Manchester United mbetet në vendin e gjashtë me 44 pikë.
Të shtunën në Premier League, në kuadër të javës së 26-të u arritën edhe këto rezultate:
Aston Villa – Nottingham Forest 4:2
Crystal Palace – Burnley 3:0
Brighton – Everton 1:1
