Forcat e Sigurisë së Kosovës (FSK) kanë arritur ta nxjerrin të gjallë edhe nënën e fëmijës 2-vjeçar në Hatay të Turqisë, nën rrënojat e shkaktuara nga tërmeti që goditi vendin para dy ditësh.
Sipas njoftimit të FSK-së, operacioni do të vazhdojë deri sa të nxirret edhe qytetari i fundit nga rrënojat, përcjell teve1.info
“Pas shumë përpjekjeve nga ekipet e Kërkim-Shpëtimit të Forcës së Sigurisë së Kosovës, ato kanë arritur ta nxjerrin nga rrënojat edhe nënën e fëmijës dy vjeçar. Operacionet e Kërkim-Shpëtimit do të vazhdojnë deri sa të nxirret edhe qytetari i fundit nga rrënojat, motivi i ushtarakëve nga Kosova është i lartë, profesionalizmi dhe disiplina po japin rezultate”, thuhet në njoftim.
Më 6 shkurt, Turqia dhe Siria u goditën nga tërmete të fuqishme, ku në bazë të përditësimeve të fundit, deri tani numri i viktimave ka shkuar në mbi 11 mijë. /Teve1.info/
https://teve1.info/lajmet/fsk-ja-shpeton-nje-femije-2-vjec-ne-turqi/
