Nga e mërkura, pjesëtarët e Forcave të Sigurisë së Kosovës kanë filluar angazhimin në teren, në Hatay, njëra nga zonat e prekura prej tërmetit në Turqi.
Ky angazhim i tyre është në bashkërendim me njësitet tjera vendase dhe ndërkombëtare që i dolën në ndihmë shtetit turk.
Varësisht gjendjes në teren, sipas kolonel Sefer Isufit, do të konsiderohet edhe dërgimi i kontigjentëve tjerë të FSK-së.
Task-forca e FSK-së e vendosur në Turqi, përbëhet nga specialistët në kërkim shpëtim urban, mjekësi emergjente dhe njësitë K9.
Këto njësi falë trajnimeve të vazhdueshme, konsiderohen se janë të aftësuar mjaftueshëm për kryrjen e detyrave që kërkohen në teren.
FSK –ja kishte dërguar kontingjentet e saj edhe në operacionet e kërkim shpëtimit pas tërmetit të vitit 2019 në Shqipëri.
Kronika e gazetares Florijeta Dernjani.
