Ambasadori i Francës në Kosovë, Jean-François Huchet, ka zhvilluar të martën një takim me ministrin për Komunitete dhe Kthim, Nenad Rashiq, me të cilin ka diskutuar për çështje që lidhen me të drejtat e komuniteteve joshumicë dhe kthimin e personave të zhvendosur.
Përmes një postimi në platformën X, Huchet ka bërë të ditur se në takim është diskutuar edhe për njohjen e diplomave, si dhe për rëndësinë e krijimit të kushteve për kthimin e sigurt dhe të qëndrueshëm të personave të zhvendosur.
Ambasadori francez ka theksuar se Franca mbetet e përkushtuar për forcimin e bashkëpunimit institucional dhe mbrojtjen e të drejtave të të gjitha komuniteteve që jetojnë në Kosovë.
“Riafirmuam përkushtimin tonë për forcimin e bashkëpunimit institucional dhe mbrojtjen e të drejtave të të gjitha komuniteteve në Kosovë”, ka shkruar Huchet./teve1.info/
Good discussion with Minister Nenad Rašić on the rights of non-majority communities, diploma recognition, and the safe and sustainable return of displaced persons.
We reaffirmed our commitment to strengthening institutional cooperation and protecting the rights of all communities in Kosovo.— Ambassadeur Jean-François Huchet (@FrAmbKOS) October 20, 2026
