Phil Foden do ta vazhdojë karrierën te skuadra e Manchester Cityt, pasi tashmë ka arritur marrëveshje për kontratën e re.
Mediumet në Angli kanë raportuar se marrëveshja mes palëve është arritur në parim dhe gjithçka do të bëhet zyrtare në fund të sezonit.
Foden do të firmos kontratë të re katërvjeçare, e cila do ta mbajë te City deri në vitin 2030, si dhe do ta ketë opsionin e vazhdimit edhe për një vit tjetër.
25-vjeçari ka shënuar 10 gola dhe ka bërë 5 asistime këtë sezon në 46 paraqitje në të gjitha garat për Cityn.
Foden është produkt i akademisë së Cityt dhe prejse ka debutuar me ekipin e parë në vitin 2017, ai ka fituar 14 trofe në total, përfshirë gjashtë tituj kampioni të Anglisë dhe një herë Ligën e Kampionëve.
