Amir Rrahmani do të jetë mungesa e madhe për Kombëtaren e Kosovës në ndeshjet e muajit tetor ndaj Sllovenisë dhe Suedisë.
Kapiteni dardan u lëndua në stërvitje me Napolin dhe kësisoj nuk do të jetë në gjendje t’i ndihmojë Kosovës.
Franco Foda në konferencë për shtyp ka folur për mungesën e Rrahmanit, duke thënë se ai është shumë i rëndësishëm për Kosovës, si brenda ashtu edhe jashtë fushës.
“Sigurisht që Amir Rrahmani është shumë shtirë të zëvendësohet pasi është një lojtar shumë i rëndësishëm”.
“Por ndaj Suedisë kemi treguar se të gjithë futbollistët mund të zëvendësohen dhe të gjithë të grumbulluarit janë të rëndësishëm për Kosovën”, tha Foda.
“Amir Rrahmani nuk është i rëndësishëm vetëm në fushë, por edhe jashtë saj pasi është një lider i Kombëtares”.
Krejt në fund Foda foli edhe për ardhjen e Albian Hajdarit te Kosova, duke thënë se do ta shohin gjatë këtyre ditëve nëse do të startojë.
“Kemi në radhët tona Albian Hajdarin dhe fatmirësisht që ka zgjedhur Kosovën. Megjithatë gjatë këtyre ditëve do të shohim se kush në çfarë forme është dhe do të marrim vendim se a do të startojë apo jo”, tha Foda.
