Kryetari i Vushtrrisë, Ferit Idrizi, është kërcënuar nga një person, përmes telefonit.
Në një prononcim të shkurtër para mediave, Idrizi tha se kërcënimi ka të bëjë për çështje punësimesh.
Megjithatë, kryetari bëri të ditur se pas trajtimit të rastit nga organet e drejtësisë, ka kërkuar nga Policia dhe hetuesia që personi në fjalë të lirohet.
“Ka ndodhur diçka që ndodhë në shoqërinë tonë, s’është që s’ndodhë. Pretendimet se dikujt mund t’i bëhet e padrejtë, atëherë adresë mund të bëhet kryetari i Komunës. Unë menjëherë kam kërkuar nga Policia dhe hetuesia që ta lirojnë të ndaluarin, për shkak se këto skena nuk më pëlqejnë. Por kërcënimi ka qenë për çështje punësimesh.”, deklaroi Idrizi.
I pyetur se në çfarë forme ka qenë kërcënimi, Idrizi tha se ka qenë vetëm një telefonatë dhe si e tillë është trajtuar nga organet kompetente./teve1.info/.
