Me padurim dhe me përplotë emocione mezi presin të ulën për herë të parë në bankat shkollore.
Oborri i shkollës fillore “Emin Duraku” në kryeqytet, mesditën e së premtës u mbush me filloristë.
Entiziazmi i tyre për këtë ditë të veçantë shihet në fytyrat e tyre, e një takim me mësuesen e kishin ëndërruar kaherë.
Shumica prej tyre thonë se i kanë siguruar librat, dhe mezi presin të nisin rrugëtimin drejt dijes.
Edhe Bjondina Osmani, e cila ka vajzën në klasë të parë këtë vit thotë se sikurse vajza edhe ajo si nënë është tejet e emocionuar, derisa thekson se sigurimin e librave nuk e pati aspak të vështirë.
E për disa nxënës të rinj, kalimi nga niveli parashkollor në shkollor edhe mund të jetë i vështirë.
E pranishme në këtë ceremoni ishte edhe drejtoresha e Arsimit në komunën e Prishtinës, Besianë Musmurati.
Në një fjalë rasti teksa iu uroi një vit të mbarë të gjiithë nxënësëve, theksoi se nga ana e tyre janë bërë të gjitha përgatitjet e duhura për fillimin e vitit shkollor.
