Shtëpia e futbollit botëror – FIFA, ka publikuar listën e të nominuarve për çmimet vjetore “The Best FIFA Football Aëards”.
Në mesin e të nominuarëve janë edhe dy shqiptarë, trajnerja Elena Sadiku dhe futbollisti Granit Xhaka.
Sadiku që është në krye të Celticut, është nominuar për çmimin trajnerja e vitit pasi ka udhëhequr ekipin drejt titullit të parë të kampionit të Skocisë, si dhe për herë të parë e ka kualifikuar në fazën e grupeve të Ligës së Kampionëve.
Ndërkohë, Xhaka që është pjesë e Bayer Leverkusenit, është nominuar për formacionin apo 11-shen më të mirë të vitit, në pozitën e mesfushorit.
Xhaka ishte i nominuar edhe për “Topin e Artë” duke përfunduar i 16-të, ndërsa është nominuar edhe për sportist të vitit në Zvicër.
