Pas paraqitjes në Kampionatin Botëror U19 në Egjipt dhe organizimit të Kampionatit Evropian U17 për hendbolliste në Prishtinë, Federata e Hendbollit e Kosovës ka arritur një tjetër sukses në rrafshin ndërkombëtar.
FHK, ka njoftuar të mërkurën se i është besuar organizimi i Kampionatit të Hapur Mesdhetar për hendbolliste të reja, një ngjarje kjo ngjarje shumë cilësore, ku paraqiten ekipet kombëtare të disa prej vendeve me hendbollin më të zhvilluar në Evropë.
Pritet pjesëmarrja e deri në 14 ekipeve kombëtare kurse Kampionati i Hapur Mesdhetar për të Reja do të mbahet prej 8 deri më 15 shkurt të vitit të ardhshëm në Prishtinë.
Kampionati Mesdhetar në Prishtinë do të jetë i 19-ti me radhë për lojtare të reja dhe organizohet nga Konfederata Mesdhetare e Hendbollit, që ka shtrirje në regjionin e mesdheut.
